17 may 2011 12:44
Əsgər Abdullayev Turana keçidindən danışdı
Azərbaycan millisinin, eləcə də AZAL-ın sabiq baş məşqçisi Əsgər Abdullayev “Turan”ın sükanı arxasına keçəcəyinə dair iddialara münasibətini açıqlayıb. Azerisport.az saytına müsahibəsində o, bunları dilə gətirib:
“Tovuzluların mənimlə maraqlanması barədə mətbuatdan xəbər tutmuşam. Əgər rəsmi təklif gəlsə, məmnuniyyətlə baxaram. Orda işləmək olar, bu klubu ambisiyalı etmək də mümkündü. Lakin hələlik bu haqda dəvət almamışam”.
Qeyd edək ki, təcrübəli mütəxəssisin artıq “Turan”la razılığa gəldiyi və Tovuz klubu ilə bir illik müqavilə bağlayacağı iddia olunurdu. Əsgər Abdullayev vaxtilə "Olimpik-Şüvəlan" adlanan hazırkı AZAL klubunu 2009-cu ilin noyabr ayında tərk edib və həmin dövrdən etibarən işsizdi.
