18 may 2011 13:12
Azərbaycan millisi FİFA-nın reytinqində yenə gerilədi
FİFA futbol üzrə dünya yığmalarının yeni reytinq cədvəlini açıqlayıb. Azerisport.az xəbər verir ki, Azərbaycan milli komandası reytinq cədvəlində yenə geriləyib.
Belə ki, Berti Foqtsun yetirmələri 1 pillə geriləyərək 108-ci yerə düşüb. Hazırda komandamız 288 xala malikdi. Xallarımızda hansısa dəyişiklik olmasa da, geriləmə qaçılmaz olub.
Millimizin seçmə mərhələdəki rəqiblərinə gəlincə, 1413 xala malik Almaniya 4-cü pillədəki yerini qoruyub. Türkiyə də 795 xalla 30-cu pillədəki yerini qoruyub. 654 xala malik Belçika da 37-ci yerdə qalıb. Avstriya isə millimiz kimi 1 pillə geriləyib. Bu rəqibimiz hazırda 443 xalla 74-cü yerdə gedir. Yeganə irəliləyən rəqiimiz Qazaxıstan olub. İyunda qarşılaşacağımız bu komanda bir pillə irəliləyərək 151 xalla 139-cu yerdə qərarlaşıb.
Bütövlükdə isə, reytinq siyahısına son dünya çempionu İspaniya başçılıq edir (1857 xal). Hollandiya (1702) ikinci, Braziliya isə (1425) üçüncü pillədəki mövqeyini qorumağı bacarıb. Dördüncü yer almanlara məxsus olduğu halda, ilk onluqda qalan yerlərdə də ciddi dəyişiklik baş verməyib: Argentina beşinci (1267), İngiltərə altıncı (1163), Uruqvay yeddinci (1094), Portuqaliya səkkizinci (1052), İtaliya doqquzuncu (1019), Xorvatiya isə (991) onuncu pillədəki mövqeyini qoruyub.
