18 may 2011 22:08
Neftçi çempionluq kubokuna qovuşdu
Premyer Liqanın cari mövsümünün sonuncu - 32-ci turunun bu gün keçirilən "Neftçi" - "Xəzər Lənkəran" oyunundan sonra paytaxt təmsilçisinə çempionluq kuboku təqdim olunub. Azerisport.az xəbər verir ki, kuboku Peşəkar Futbol Liqasının prezidenti Ramin Musayev “ağ-qaralar”ın kapitanı Rail Məlikova təqdim edib.
Çempionluq kubokunun təqdim olunmasından sonra mərkəzi arenada böyük atəşfəşanlıq təşkil olunub.
Qeyd edək ki, "Neftçi" çempionluğu mövsümün sonuna 3 tur qalmış təmin etmişdi. Mövsümün son oyununda isə “Xəzər Lənkəran”la 1:1 hesablı heç-heçə qeydə alındı.
