19 may 2011 14:04
Qarabağ iyunun beşinə kimi istirahətə buraxıldı
“Qarabağ” istirahətə buraxılıb. Azerisport.az xəbər verir ki, dünən 19-cu milli çempionatın son turundan sonra “Qarabağ”ın birinciliyi 3-cü sırada bitirdiyi müəyyənləşdi.
Artıq mövsüm başa çatdığı üçün baş məşqçi Qurban Qurbanov bütün komandanı istirahətə buraxıb. Baxmayaraq ki, ağdamlıların sabahdan Azərbaycanın əsas millisinə 8, U-21-ə 1, Albaniya millisinə 2, Latviya əsas komandasına isə 1 futbolçusu qoşulmalıdı.
“Qarabağ” iyunun 5-də yeni mövsüm üçün toplaşacaq, 6-da isə hazırlıqlara başlayacaq. Milli futbolçular isə iyunun 7-də seçmə mərhələ oyununa çıxacağına görə çalışdırıcı 11 futbolçuya 5 gün dincəlmək imkanı yaradacaq. Milli futbolçular iyunun 13-ü hazırlığa qoşulacaq.
