19 may 2011 18:14
Jaba: Çempionluq naminə Bakı`da qalmaq istəyirəm
“Bakı”nın braziliyalı hücumçusu Jabanın mövsümün sonunda paytaxt klubu ilə yollarını ayıracağı iddia olunsa da, futbolçu özü bu xəbərləri təkzib edib. Azerisport.az saytına açıqlamasında o, bunları dilə gətirib:
“Mənim hələ “Bakı”yla müqaviləm var və buna görə də komandada qalmaq istəyirəm. Düzdü, başqa təkliflər də var. Amma mənim öz istəyim “Bakı”da qalmaqdı. Növbəti mövsümdə əlimizdən gələn hər şeyi edəcəyik ki, çempion olaq. Yayda komandamız avrokuboklarda da iştirak etməyəcək. Bu isə bizə növbəti mövsümə daha yaxşı hazırlaşmaq imkanı yaradır. Çempionluq naminə qalmaq istəyirəm”.
