19 may 2011 11:28
Slavço Georgiyevski: Bu, mənim karyeramda ən çətin mövsümdü
“Neftçi”nin yarımmüdafiəçisi Slavço Georgiyevski Premyer Liqanın cari mövsümünün soncun - 32-ci turunun “Xəzər Lənkəran”la oyunundan sonra azerisport.az saytının suallarını cavablayıb.
- Çox az adam inanardı ki, “Neftçi” lazımsız oyunda belə çıxış edər...
- Biz ki, öncədən sonadək oynayacağımızı demişdik. XL-la oyuna əllərimizi yana salıb çıxa bilməzdik. Sonda arxayınlaşmadıq və göstərdik ki, lənkəranlılardan güclüyük. Oyuna, eləcə də qol vəziyyətlərinə görə rəqibi üstələyirdik. Hətta hakim də onlara kömək edə bilmədi. Oyun tək qapıya gedirdi. Uşaqlar çox çalışdılar. Biz rəqibi yaxşı tanıyırdıq və buna uyğun da taktika seçmişdik. Taktikamız da özünü tam doğrultdu.
- Rəşad Abdullayevin meydandan qovulması işinizi çətinləşdirmədi?
- O, meydandan qovulana kimi biz 12 nəfərlə oynayırdıq. Azarkeşlərimilə birgə. Sonradan güclər bərabərləşdi (gülür). Amma hətta Rəşad meydandan qovulandan sonra da öz taktikamızı dəyişmədik. Əksinə, azlıqda qalmağımız bizim üçün əlavə bir stimul oldu. Azlıqda qalmağımızı unutmuşduq. Əgər azarkeşlərimiz növbəti mövsümdə də bizi belə dəstəkləsə, onda biz yenə çempion olacağıq.
- O, meydandan qovulana kimi biz 12 nəfərlə oynayırdıq. Azarkeşlərimilə birgə. Sonradan güclər bərabərləşdi (gülür). Amma hətta Rəşad meydandan qovulandan sonra da öz taktikamızı dəyişmədik. Əksinə, azlıqda qalmağımız bizim üçün əlavə bir stimul oldu. Azlıqda qalmağımızı unutmuşduq. Əgər azarkeşlərimiz növbəti mövsümdə də bizi belə dəstəkləsə, onda biz yenə çempion olacağıq.
- Çoxlu qol vəziyyətlərinə rəğmən, qələbə qazana bilmədiniz...
- İkinci hissədəki erkən qoldan sonra ən azı bir dəqiqə topu özümüzdə saxlamağımız, üstünlüyü ələ almağımız lazım idi. Ondan sonra asan olacaqdı. Lakin ani olaraq konsentrasiyanı itirdik. Sona kimi oynamaq lazımdı. Nə qədər qol epizodundan yararlana bilmədik.
- Çempionluğu çoxdan təmin etsəz də, bu günkü sevincinizi görən elə bilərd ki, məhz XL-la oyunda qızıl medallara sahib çıxmısız...
- Bütün sevincimiz səmimi idi. Çempionluğu AZAL ilə səfər matçında təmin etmişdik. Amma kuboku doğma meydanda almalı idik. Hər şeydən önəmlisi isə odu ki, biz çempionuq və titulu geri qaytarmışıq.
- Qızınızı qucağınızda gəzdirdiyinizi və ağladığınızı gördük...
- Bütün bunlar emosiyadı. Sadəcə, özümü saxlaya bilmədim. Bu mövsüm çox əsəb itirdik. Bu, mənim karyeramda ən çətin mövsümdü. Çünki Azərbaycan çempionatında çoxlu yaxşı komandalar var.
- İndi azarkeşlər sizdən Çempionlar Liqasında uğur gözləyir...
- Bir az istirahət edək, güc yığaq, hər şey yaxşı olacaq. Mən söz vermirəm ki, biz böyük uğurlar qazanıb, bu turnirin qrup mərhələsinə düşəcəyik. Amma çalışacağıq. Azərbaycanın Avroviziyadakı qələbəsindən sonra futbolçuların da beynəlxalq arenada uğur qazanmaq vaxtıdı.
