19 may 2011 11:49
Rusiya klubunda azərbaycanlı baş məşqçi (FOTO)
Azərbaycan millisinin sabiq müdafiəçisi Emin Ağayev baş məşqçilik fəaliyyətinə başlayıb. Azerisport.az xəbər verir ki, o, “Dağdizel” klubunun sükanı arxasına keçib.
Qeyd edək ki, bu komanda Rusiya çempionatının cənub zonasının ikinci divizionunda çıxış edir. Futbolçu karyerasını ötən il bitirən və dərhal vaxtilə çıxış etdiyi “Anji” klubunda seleksiyaçı-məşqçi kimi fəaliyyətə başlayan Ağayev Mahaçqala təmsilçisiylə yollarını ayırıb. Lakin o, Vaqif Sadıqovun da çalışdığı bu klubdan gedərkən, “Anji”nin rəsmi saytına açıqlama verməyi də unutmayıb:
“Mənə özümü baş məşqçi kimi sınamaq təklifi gəldi və belə bir perspektivdən imtina edə bilmədim. İstənilən halda nə vaxtsa baş məşqçi kimi fəaliyyətə başlamağım lazım idi. Belə bir şans qazanmağım da xoş oldu. İstənilən halda, hər şey mənim üçün birincidi. Axı futbolçu karyeramı elə ötən ilin sonunda bitirmişəm. Fikrimcə, hər şey normal olsa, onda bütün işləri yolunaq qoymaq olar”.
