20 may 2011 00:01
Türkiyə yığmasının daha 1 üzvü rəsmən Realda
Türkiyə millisinin hücumçusu Hamit Altıntopun İspaniyanın “Real” (Madrid) klubuna keçidi dəqiqləşib. Azerisport.az xəbər verir ki, Almaniyanın “Bayern” (Münhen) klubundan bu günlərdə azad agent kimi ayrılan hücumçu gözlənildiyi kimi Madrid klubuyla anlaşma əldə edib.
Artıq “Real” bu haqda rəsmi açıqlama ilə çıxış edib. Hələlik, tərəflər sadəcə qarşılıqlı razılığa gəlsə də, rəsmi müqavilənin qarşıdakı günlərdə imzalanacağı bildirilir. Rəsmi açıqlamada bildirilir ki, tərəflər arasında 4 illik müqaviləyə imza atılacaq. İspaniya təmsilçisi bu keçidə görə heç bir transfer haqqı ödəməyəcək və sadəcə 28 yaşlı futbolçuya maaş verəcək.
Maraq üçün xatırladaq ki, Joze Mourinyonun komandası bu günlərdə Türkiyə millisinin daha bir üzvü Nuri Şahini Almaniyanın “Borussia” klubundan almışdı. Ona qədər isə Almaniya millisində çıxış edən digər türk əsilli futbolçu Mesut Özil Madrid təmsilçisinin şərəfini qoruyurdu.
