20 may 2011 15:49
DÇ-2022-nin ev sahibliyi dəyişə bilər
FİFA prezidenti Jozef Blatter maraqlı açıqlama ilə çıxış edib. Azerisport.az xəbər verir ki, dünya futbol qurumunun rəhbəri DÇ-2022-nin ev sahibliyi üçün yenidən səsvermə keçirilməsinin mümkünlüyünü istisna etmədiyini bildirib.
Maraq üçün qeyd edək ki, hələ bir neçə ay öncə bunun üçün keçirilən tədbirdə Qətər daha çox səs toplayaraq, sözügedən mundiala ev sahibliyi hüququna yiyələnmişdi. Lakin ondan sonra bu seçkilərdə ciddi qanun pozuntularının olduğu aşkarlandı. İngiltərə səsvermənin nəticələrinə ciddi etiraz etdiyi, bu ölkənin futbol federasiyasının prezidenti hətta etiraz əlaməti olaraq postundan istefa verdiyi halda FİFA-nın bəzi əməkdaşlarının rüşvət alması haqda da şok xəbərlər yayıldı. Hətta sonradan onların bu çirkin əməlləri təsdiqini də tapdı.
Məhz bu üzdən 75 yaşlı prezident tənqidlərdən yaxa qurtarmaq üçün çıxış yolları axtarır. Hələlik DÇ-2022-nin ev sahibliyinin yenidən səsverməyə çıxarılıb-çıxarılmayacağı isə dəqiqləşməyib.
