20 may 2011 17:31
Qazaxların millimizlə oyun üçün hazırlıq planları açıqlandı
AÇ-2012-nin seçmə mərhələsi çərçivəsində iyunun 3-də Azərbaycan millisini qəbul edəcək Qazaxıstan yığmasının hazırlıq planları açıqlanıb. Azerisport.az xəbər verir ki, qazaxlar millimizlə oyunun hazırlıqlarına mayın 27-də start verəcəklər.
Rəqibimizin baş məşqçisi Miroslav Beranek komandasını Talqardakı bazada hazırlaşdıracaq. Həmin təlim-məşq toplanışı mayın 27-dən 31-dək davam edəcək. İyunun 1-də isə Qazaxıstan millisi Astanaya təşrif buyuracaq. Ondan sonrakı hazırlıqlar isə “Astana Arena”da davam etdiriləcək.
Maraq üçün xatırladaq ki, qazaxların baş məşqçisi millimizlə oyuna 23 futbolçu dəvət edib. Qazaxıstan – Azərbaycan görüşü iyunun 3-də “Astana Arena”da keçiriləcək və Bakı vaxtı ilə saat 18:00-da start götürəcək.
