21 may 2011 18:55
Ramiz Məmmədovun komandası darmadağın oldu (YENİLƏNİB)
Bu gün Qazaxıstan çempionatında 12-ci turun oyunları keçirilib. Azerisport.az xəbər verir ki, azərbaycanlı baş məşqçi Ramiz Məmmədovun çalışdırdığı “Atırau” səfərdə “Taraz”la münasibətlərinə aydınlıq gətirib.
Qeyd edək ki, bu komanda 9 xalla turnir cədvəlinin 10-cu pilləsində qərarlaşmışdı. Geridə qalan 10 oyunda ən çox heç-heçə (5 dəfə) edən həmyerlilərimizin komandasının bu günkü rəqibi sülh tanımırdı. Bu oyuna kimi cəmi 3 qarşılaşmada qələbə qazanan “Taraz” qalan görüşlərində də meydanı məğlub tərk etmişdi.
Onlar bu dəfə də ənənələrinə sadiq qaldılar. Maraq üçün xatırladaq ki, ötən tur bu komandalar ilk dövrənin sonuncu turunda üz-üzə gəlmişdilər. Qazaxıstan çempionatının təqviminə əsasən bu həftə “Atırau” “Taraz”ın qonağı idi. Lakin həmyerlilərimizin komandası ötən həftə bu rəqibini doğma meydanda qəbul etmiş və ilk dövrənin son matçında 1:0 hesabıyla qələbə qazanmağı bacarmışdı. Bu dəfə isə "Taraz" həmin yenilginin əvəzini artıqlamasıyla çıxıb.
Qazaxıstan Superliqası
12-ci tur
21 may
TARAZ – ATIRAU - 3:0 (1:0)
Qollar: Stepanoviç, 34, Jumabayev, 50-öz qapısına, Paxolyuk, 81.
Matçın 47-ci dəqiqəsində "Atırau"nun oyunçusu penaltidən yararlana bilməyib
| 1 | Lokomotiv Astana | 12 | 8 | 3 | 1 | 18 | - | 7 | 27 |
| 2 | Aktobe | 12 | 8 | 2 | 2 | 23 | - | 8 | 26 |
| 3 | Zhetysu Taldykorgan | 12 | 7 | 4 | 1 | 21 | - | 7 | 25 |
| 4 | Shakhtyor Karagandy | 12 | 7 | 2 | 3 | 20 | - | 10 | 23 |
| 5 | Irtysh Pavlodar | 12 | 6 | 2 | 4 | 19 | - | 16 | 20 |
| 6 | Ordabasy Shymkent | 12 | 6 | 1 | 5 | 15 | - | 9 | 19 |
| 7 | Atyrau | 12 | 3 | 5 | 4 | 9 | - | 13 | 14 |
| 8 | Taraz | 12 | 4 | 0 | 8 | 9 | - | 15 | 12 |
| 9 | Tobol Kostanay | 12 | 3 | 2 | 7 | 17 | - | 19 | 11 |
| 10 | Kairat Almaty | 12 | 3 | 2 | 7 | 11 | - | 21 | 11 |
| 11 | Vostok | 12 | 1 | 5 | 6 | 8 | - | 22 | 8 |
| 12 | Kaisar Kyzylorda | 12 | 1 | 2 | 9 | 6 | - | 29 | 5 |
