22 may 2011 13:32
İnter – XL matçını kim idarə edəcək?
Məlum olduğu kimi, mayın 24-də Azərbaycan kubokunun final oyunu keçiriləcək. Azerisport.az xəbər verir ki, Bakı vaxtı ilə saat 20:00-da start götürəcək həlledici qarşılaşmada “İnter”lə “Xəzər Lənkəran” görüşəcək.
Bəs görəsən, kubokun final matçını hansı hakim idarə edəcək? Məhz bu sualla AFFA Hakimlər Komitəsinin rəhbəri Xaqani Məmmədova müraciət etdik: “Hələlik finalı idarə edəcək hakimlərin adları gizli saxlanılır. Onların adlarını sadəcə oyundan iki saat öncə açıqlaya bilərik”.
Maraq üçün sonda onu da əlavə edək ki, hazırda finalı idarə etməyə dörd namizəd var. Bu qarşılaşmanı FİFA referiləri Fariz Yusifovla Vüsal Əliyev, eləcə də Elçin Məmmədovla Ramil Diniyevin idarə etməsi gözlənilir.
