Jiloan Hamad: Mən Azərbaycanı təmsil etmək təklifini nəzakətlə rədd etdim

İsveç KİV-də “Malmö”nün yarımmüdafiəçisi Jiloan Hamadın futbol üzrə Azərbaycan milli yığma komandasında çıxış etmək təklifi ilə bağlı dəvəti yenidən yada salıblar.

 

“Azərbaycan yığmasının baş məşqçisi Berti Foqts məni komandaya çağırırdı. Ancaq mən bunda maraqlı deyildim. Beləki İsveç yığmasında çıxış etmək istəyirdim. Bəlkə 29 və ya 30 yaşım olsa idi və yığmanın heyətində çıxış etməsəydim, ola bilər razılaşardım. Ancaq mən bu təklifi nəzakətlə rədd etdim”, deyə Hamad İsveç mətbuatına bildirib. Xatırladaq ki, Hamad İsveç yığmasının heyətində bu ilin Yanvar ayında debüt edib.