24 may 2011 11:37
Adrian Pit: Xəzər Lənkərana arxayın və sakit olmaq olmaz
“Xəzər Lənkəran”ın yarımmüdafiəçisi Adrian Pit azerisport.az müxbirinin ölkə kubokunun finalı və milli çempionatın səviyyəsi ilə bağlı suallarını cavablayıb.
- Komandanızın kubokun final oyununa hazırlığı necə gedir?
- Hər şey normaldır. Hər şey yaxşı gedir. Finala yaxşı ovqatla hazırlaşırıq.
- Finaldan nə gözləyirsiniz?
- Mənim tək intizarım var - qələbə. Biz bunun naminə oynayacağıq. Əlbəttə, bu finaldır. Başa düşürük ki, burada asan olmayacaq. Ancaq meydana yalnız qələbə üçün çıxacağıq.
- “İnter”ə qarşı hücum futbolu, yoxsa vəziyyətə uyğun oyun oynayacaqsınız?
- Əlbəttə ki biz hücum etməyə çalışacağıq. Özü də bunu imkan düşdükcə bütün komanda ilə etmək olar. Bütün komanda ilə müdafiə də olunmaq olar. Bizə arxayın və sakit olmaq olmaz. Öz futbolumuzu oynamağa və rəqibə ərazi üstünlüyü verməməyə çalışacağıq.
- “Xəzər Lənkəran”a keçdikdən sonra “İnter”ə qarşı görüşlərdə oynaya bilmisiniz. Bu komanda haqda nə deyə bilərsiniz?
- Möhkəm komandadır. Heyətlərində yaxşı futbolçular var. Onlara qarşı oynamaq asan olmur. Düşünürəm ki, finalda bizi çətin oyun gözləyir. Ancaq biz “İnter”i məğlub etməyə borcluyuq. Kluba və bizi həmişə dəstəkləyən sədaqətli azarkeşlərimizə görə qələbə qazanmalıyıq.
- Məğlubiyyət nə demək olardı?
- Bu barədə düşünmürəm və düşünmək belə istəmirəm. İnanıram ki, yaxşı oyun göstərib mövsümü mükafatla bitirəcəyik.
- Artıq yarım ildir ki, Azərbaycan çempionatında çıxış edirsiniz. Yerli çempionatı necə dəyərləndirirsiniz?
- Əlbəttə, bəzi qərb ölkələrinin çempionatları qədər olmasa da, güclü çempionatdır. Ancaq burada yaxşı komandalar, əla oyunçular var. Gördüyüm qədər hər şey inkişaf edir. Hesab edirəm ki, belə sürətlə çempionat daha da yaxşı olacaq.
- Buradakı hakimlik haqda nə deyə bilərsiniz?
- Bu haqda danışmaq istəməzdim. Sadəcə bəzən onlar kobud səhvlər edirlər.
