Ramin Musayev: Superkuboku keçirmək üçün əlimdən gələni edəcəm

PFL prezidenti Ramin Musayev "Neftçi" və "Xəzər Lənkəran" arasında Azərbaycan Superkuboku uğrunda oyunun keçirilməsinin mümkünlüyü haqda danışıb. Azerisport.az xəbər verir ki, o, bu haqda açıqlamasında aşağıdakıları vurğulayıb: 
 

"Superkubokun keçirilməsi yaxşı fikirdi. Ancaq dəqiq tarixi hələ deyə bilmərəm. Hər iki komanda avrokuboklarda çıxış edəcək. Əgər oyunu avqust ayına təyin etsək bu, avrokubok tarixinə düşə bilər. Bu məqsədlə xüsusi pəncərə hazırlamaq lazımdı. Ona görə də biz mövsümün sonu haqda düşünürük. Əgər hər iki klub razılıq verərsə, mən bu oyunun keçirilməsi üçün əlimdən gələni edəcəyəm".