26 may 2011 02:15
Berti Foqtsun komandasından mühüm zəfər
Almaniya Bundesliqasının son mövsümündə uğursuz çıxış edən və elitanı tərk etmək təhlükəsiylə üz-üzə olan Münhenqladbax “Borussia”sı sonda nəhayət ki, istəyinə çatıb. Azerisport.az xəbər verir ki, mövsümün yekunlarına əsasən 2-ci Bundesliqadan gələn komandalardan biriylə pley-off matçlarında şansını sınayan millimizin çalışdırıcısı Berti Foqtsun doğma klubu gülən tərəf olub.
Belə ki, “Bochum” ilə mübarizə aparmaq məcburiyyətində qalan bu komanda ilk oyunda 1:0 hesabıyla yendiyi rəqibi ilə səfər matçında da sərfəli heç-heçəyə nail olub – 1:1. Baxmayaraq ki, görüşdə hər iki qolu elə qonaqlar vurub. Nordtveyt öncə topu öz qapısına göndərməklə şanssız bir an yaşayıb. Lakin Marko Reus 72-ci dəqiqədə vurduğu qolla Münhenqladbax klubunu Bundesliqada saxlayan qola imza atıb.
