26 may 2011 15:46
ÇL-in finalını idarə edəcək hakimlər açıqlandı
UEFA Çempionlar Liqasının cari mövsümünün final oyununu idarə edəcək hakimlərin adları açıqlanıb. Azerisport.az xəbər verir ki, qitənin ən nüfuzlu klub turnirinin həlledici görüşünü Macarıstandan olan hakim Viktor Kassay idarə edəcək.
Macarıstan Hakimlər Komitəsinin prezidenti Laslo Vaqner mayın 28-də keçiriləcək İspaniyanın “Barcelona” və İngiltərənin “Manchester United” klubları arasındakı oyunun məhz macar hakim tərəfindən idarə olunacağından sevinclərini gizlətməyib.
Avropa və dünyada idarə etdiyi önəmli matçlarda özünü yaxşı tərəfdən göstərməyi bacarmış Kassayın yardımçılarının isə Qabor Erös ve Georgi Rinq olacağı bildirilir. Viktor Kassayın 1997-ci ildə keçirilən “Borussia” (Dortmund) – “Juventus” final matçını idarə etmiş Sandor Puhldan sonra ikinci belə macar hakim olacağını da vurğulayaq.
