26 may 2011 11:43
AZAL 4 oyunçusunu yola saldı
AZAL artıq yeni mövsüm, eləcə də Avropa Liqası üçün hazırlıqlara start verib. Azerisport.az xəbər verir ki, paytaxt klubu hələlik hazırkı heyətini saf-çürük etməklə məşğuldu.
Artıq “təyyarəçilər”in dörd futbolçusunun komandadan gedəcəyi dəqiqləşib. Belə ki, Eleandro Pema, Draqan Mandiç, Qvidas Yuşka və Mirko Bunyevçeviçlə yolların ayrılmasına qərar verilib. Klub rəhbərliyi adı çəkilən futbolçularla yeni müqavilə imzalamaq istəməyib.
Yaxın günlərdə daha bir neçə futbolçuya qapının göstəriləcəyi istisna olunmur. Məsələn, Nuqzar Kvirtiya ilə Elşən Poladovun da gələcək taleyi sual altındadı. Onlarla müqavilənin yenilənib-yenilənməyəcəyi yaxın günlərdə dəqiqləşəcək.
