30 may 2011 00:57
Almaniya millimizlə oyun öncəsi qələbə qazandı
AÇ-2012-nin seçmə mərhələsində millimizin rəqiblərindən olan Almaniya yığması qarşıdakı seçmə oyunlar öncəsi yoldaşlıq matçında qüvvəsini sınayıb. Azerisport.az xəbər verir ki, Yoahim Lövün çalışdırdığı Bundestim doğma azarkeşlərinin gözü qarşısında Uruqvayla qarşılaşıb və qələbəyə sevinib.
“Rhein Neckar Arena”da oynanılan qarşılaşmada daha üstün tərəf olan meydan sahibləri 2:1hesabıyla qələbə qazanıb. Almaniyaya qələbə gətirən qolları Mario Qomeslə Andre Şörl vurub. Uruqvayın təsəlli qolu isə Valter Qarqanodan gəlib.
Sonda onu da qeyd edək ki, Almaniya yığması iyunun 3-də AÇ-2012-nin seçmə mərhələsi çərçivəsində səfərdə Avstriyanın, 7-də isə Azərbaycanın qonağı olacaq.
Yoldaşlıq oyunu
29 may
Almaniya – Uruqvay – 2:1
Qollar: Mario Qomes, 21, Andre Şörl, 36 - Valter Qarqano, 49.
