30 may 2011 11:07
Avroliqadakı bütün potensial rəqiblərimiz
2011-2012 mövsümündə Avropa Liqasında çıxış edəcək klubların siyahısına demək olar ki, tam aydınlıq gəlib. Azerisport.az xəbər verir ki, iyunun 23-də baş tutacaq püşkatma öncəsində səbətlər müəyyənləşib, ilk iki mərhələdə qarşılaşacaq iştirakçıların tam siyahısı da məlumdu.
Azərbaycanın ən yüksək reytinqə malik komandası “Qarabağ”, eləcə də AZAL yarışa 1-ci təsnifat mərhələsindən qoşulacaq. Ağdam klubu güclülərin qərarlaşdığı səpələnmişlərin arasında, “təyyarəçilər” isə əks səbətdə yer alacaq. Artıq həm “Qarabağ”ın, həm də AZAL-ın potensial 24 rəqibi demək olar ki, bəllidi. Təsnifat mərhələsində eyni ölkə təmsilçiləri bir-biri ilə düşmədiyindən, AZAL və “Qarabağ”ın da fərqli səbətlərdə yer alması o demək deyil ki, təmsilçilərimiz bir-birinə rəqib olar bilər.
Amma əvəzində Ağdam klubu Ermənistan təmsilçiləri ilə düşə bilər. Düzdü, UEFA-nın buna şərait yaratmayacağı iddia olunsa da, kor püşkdən hər şeyi gözləmək olar. AZAL isə İngiltərə nəhəngi “Fulham” ilə qarşılaşa bilər.
Qeyd edək ki, “Qarabağ” ilk mərhələni keçəcəyi təqdirdə 2-ci təsnifat mərhələsində də səpələnmişlər sırasında yer alacaq. AZAL isə mübarizəyə ikinci təsnifat mərhələsindən başlayacaq təmsilçimiz “Xəzər Lənkəran”la birgə səpələnməmişlər arasında olacaq ki, bu üzdən hər iki klubumuzun bəxtinə çətin rəqibin düşməsi istisna deyil. Amma bunun üçün Nazim Süleymanovun komandası hələ birinci mərhələni də uğurlu adlamalıdı. “Qarabağ”ın işi isə həm birinci, həm də ikinci mərhələdə asan olacaq və Qurban Qurbanovun komandası ən azı reytinqcə özündən zəif rqəbilərini çətinlik çəkmədən mübarizədən kənarlaşdırmağa borcludu.
Xatırladaq ki, Avroliqanın ilk təsnifat mərhələsinin oyunları iyunun 30-da, cavab görüşləri isə 7-də keçiriləcək. Növbəti mərhələ də 1 həftə aralığında - iyulun 14-ü və 21-də keçiriləcək.
Avropa Liqası
1-ci təsnifat mərhələsi
Səpələnmişlər: Fulham (İngiltərə), “Elfsborg”, “Hacken” (hər ikisi İsveç), “Tromse”, “Aalesund” (hər ikisi Norveç), “Sent Patricks” (İrlandiya), “Qarabağ” (AZƏRBAYCAN), “Rabotnicki”, “Renova” (hər ikisi Makedoniya), “Spartak” (Trnava, Slovakiya), “Olimpi”, “Dinamo” (hər ikisi Gürcüstan), “Honka” (Finlandiya), “Varazdin” (Xorvatiya), “Minsk” (Belarus), “Rad” (Serbiya), “Şiroki Brijeg” (Bosniya və Herseqovina), TNS (Uels), “Reykjavik” (İslandiya), “Koper” (Sloveniya), “Birkirkara” (Malta), “Paks”, “Ferencvaros” (hər ikisi Macarıstan), “Jagiellonia” (Polşa), “Buducnost” (Çernoqoriya).
Səpələnməmişlər: “Glentoran”, “Cliftonville” (hər ikisi Şimali İrlandiya), “Milsami” (Moldova), “Banga” (Litva), “Daugava” (Latviya), “Olimpija” (Sloveniya), “Flamurtari”, “Vlaznia” (hər ikisi Albaniya), “Narva Trans” (Estoniya), AZAL (AZƏRBAYCAN), “İrtış”, “Şaxtyor” (hər ikisi Qazaxıstan), “Zeta” (Çernoqoriya), “Banants”, “Ulisses” (hər ikisi Erməniatan), “Kalju” (Estoniya), “Vestmannaeyar” (İslandiya), “Runavik”, “Fuglafjordur” (hər ikisi Farer adaları), “Tre Penne” (San-Marino), “Neath” (Uels), “Kaerjeng”, “Fola Esch” (Lüksemburq), “Lusitanos”, “Santa-Coloma” (hər ikisi Andorra).
2-ci təsnifat mərhələsi
Səpələnmişlər: “Dinamo” (Buxarest, Rumıniya), “Zalsburg”, “Austriya” (hər ikisi Avstriya), “Anorthosis” (Kipr), “Nacional” (Portuqaliya), “Zilina” (Slovakiya), “Vorskla” (Ukrayna), “Sheriff” (Moldova), “Den Haag” (Hollandiya), “Gaziantepspor” (Türkiyə), “Olympiakos” (Yunanıstan), “Dundee United” (Şotlandiya), “Bnei Yehuda”, “Maccabi” (Təl-Əviv, hər ikisi İsrail), “Westerlo” (Belçika), “Midtjylland” (Danimarka), “Ventspils” (Latviya), “Valerenga” (Norveç), “Thun” (İsveçrə), “Jablonec” (Çexiya), “Aktobe” (Qazaxıstan), “Vojvodina” (Serbiya), “Bohemians” (İrlandiya), AEK (Kipr), “Sarajevo” (Bosniya və Herseqovina), “Split” (Xorvatiya), “Lokomotiv” (Sofiya, Bolqarıstan), “Levadia” (Estoniya) və 1-ci təsnifat mərhələsinin ən yüksək reytinqə malik 12 qalibi
Səpələnməmişlər: “Şaxtyor” (Belarus), “Slask” (Polşa), “Hafnarfyordur” (İslandiya), “Metallurg” (Latviya), “Orebro” (İsveç), “Zeljeznicar” (Bosniya və Herseqovina), “Tirana” (Albaniya), “Suduva”, “Tauras” (hər ikisi Litva), “Vaduz” (Lixtenşteyn), TPS, “Kuopion Palloseura” (hər ikisi Finlandiya), “Iskra-Stal” (Moldova), “Kecskemet” (Macarıstan), “Rudar” (Çernoqoriya), “Sant Julia” (Andorra), “Streymur” (Farer adaları), “Xəzər Lənkəran” (AZƏRBAYCAN), “Gagra” (Gürcüstan), “Metallurg” (Makedoniya), “Mika” (Ermənistan), “Domzale” (Sloveniya), “Llanelli” (Uels), “Crusaders” (Şimali İrlandiya), “Differdange” (Lüksemburq), “Juvenes” (San Marino), “Floriana” (Malta) və 1-ci təsnifat mərhələsindən gələcək aşağı reytinqə malik 13 komanda.
