31 may 2011 13:01
Fatih Terim: Azərbaycana söz vermişəm
Türkiyənin "Galatasaray" klubunun yeni baş məşqçisi Fatih Terim artıq transfer çalışmalarına başlayıb. Azerisport.az xəbər verir ki, bu məqsədlə Avropa ölkələrini dolaşan təcrübəli mütəxəssis bir müddət komandasının hazırlıqlarında iştirak edə bilməyəcəyini bildirib.
Terim eyni zamanda Azərbaycana vediyi sözü də unutmayıb: "Hər kəs məndən yeni bir "Galatasaray" gözləyir. Artıq hazırlıqlara başlamışıq və 2-3 gündü Floryadayam. Məşqlərimiz gecə saat 10-a kimi davam edir. Lakin Türkiyə millisinin oyununa da getmək istəyirəm. Belçika ilə oyundan sonra isə Azərbaycan yollanacağam. Çünki onlara bununla bağlı söz vermişəm".
Qeyd edək ki, Terim iyunun 6-da Azərbaycan futbolunun 100 illik yubileyi münasibətilə keçiriləcək tədbirdə iştirak edəcək.
