31 may 2011 00:10
Lippert: Bu oyunun Lənkəranda keçirilməsi təsadüfi deyil
Bu gün Lənkəranda Azərbaycan və Moldovanın gənclərdən ibarət yığmaları (U-21) arasında keçiriləcək yoldaşlıq oyunu öncəsi komandamızın baş məşqçisi Bernard Lippert azerisport.az saytının suallarını cavablayıb. O, öncə rəqibi dəyərləndirib:
“Moldova rəqib kimi heç də aşağı səviyyədə olmayan bir komandadı. Deməzdim ki, onlar güclülər arasında yer alır. Amma hər halda belə rəqiblərlə oyunlar komandaya obyektiv qiymət vermək üçün əla sınaq olur. Əlbəttə, bu, nə İngiltərə nə də İslandiyadı. Amma bildiyim qədərilə, moldovalılar da pis futbol oynamırlar”.
“Moldova rəqib kimi heç də aşağı səviyyədə olmayan bir komandadı. Deməzdim ki, onlar güclülər arasında yer alır. Amma hər halda belə rəqiblərlə oyunlar komandaya obyektiv qiymət vermək üçün əla sınaq olur. Əlbəttə, bu, nə İngiltərə nə də İslandiyadı. Amma bildiyim qədərilə, moldovalılar da pis futbol oynamırlar”.
Qeyd edək ki, Moldova ilə oyun AÇ-2013-ün seçmə mərhələsinə hazırlıq xarakteri daşıyır. İngiltərə və İslandiya da məhz həmin seçmə mərhələdəki rəqiblərimizdəndi. Onlarla yanaşı qrupumuzda Norveç və Belçika yığmaları da yer alır ki, komandamızın püşk baxımından bəxtinin gətirmədiyi artıq dəfələrlə qeyd olunub.
Lippertin sözlərinə görə, Moldova ilə yoldaşlıq görüşünün Lənkəranda keçirilməsinə təsadüfi yerə qərar verilməyib: “Biz Lənkəranda daim güclü azarkeş dəstəyinin olduğunu görmüşük. Əgər öz oyunlarımızı Bakıda keçirəndə cəmi 5-6 min azarkeş gəlirdisə, burda azı 8-10 minlik tərəfdar toplaya bilirik. Bu oyunları da Lənkəranda keçirməyimizə əsas səbəb məhz belə möhtəşəm azarkeş dəstəyi altında oynamaq istəməyimizdi”.
Hazırda sərəncamında 23 futbolçu olan almaniyalı mütəxəssis onların hamısından yararlanmaq fikrindədi: “Fikrimcə, komanda üçün çox vacib bir mərhələ başlayır. Bura 23 futbolçuyla gəlmişik. Mümkündü ki, mən maksimum sayda əvəzləməyə əl atım. Artıq komandamızın qarşıdakı seçmə mərhələ üçün oyun cizgiləri müəyyənləşməlidi”.
Bernard Lippert həmçinin Almaniya klublarından dəvət olunmuş 5 türk futbolçu haqda da fikirlərini dilə gətirib: “Fikrimcə, onlardan bəziləri tezliklə bizə kömək edə biləcəklər. Eyni zamanda elələri də var ki, hələ yoxlamaq lazımdı. Amma onlar barədə birmənalı olaraq nəsə deyə bilmərəm. Bunu yalnız Moldova ilə oyundan sonra demək olar”.
Bir daha xatırladaq ki, Azərbaycan və Moldova yığmaları arasındakı yoldaşlıq görüşü bu gün Lənkəran şəhər stadionunda keçiriləcək. Baş məşqçi bu oyun üçün aşağıdakı futbolçuları milliyə çağırıb:
Andrey Popoviç - «Abşeron»
Andrey Popoviç - «Abşeron»
İvan Vasilyev – «Karvan»
Osman Umarov – «Abşeron»
Mirzağa Hüseynpur – «FK Mitos» (Rusiya)
Qara Qarayev – «Qarabağ»
Novruz Məmmədov – «Muğan»
Şəhriyar Xəlilov – «Xəzər Lənkaran»
Tərlan Quliyev – «Neftçi»
Kamil Nurəhmədov – «Abşeron»
Eşqin Quliyev – «Abşeron»
Emin Mustafayev – MOİK
Tural İsgəndərov – MOİK
Orxan Həsənov – «Abşeron»
Mirhüseyn Seyidov – «Neftçi»
Sergey Çernışev – «Muğan»
Cavid İmamverdiyev – «Neftçi»
Cihan Özkara – «RW Ahlen» (Almaniya)
Bahəddin Köşə – «RW Ahlen» (Almaniya)
Engin Əkrəm – «Borussia» (Münhenqladbax, Almaniya)
Ufuk Budak – «FC Frayburq» (Almaniya)
Əli Göydəmir – «Hannover 96» (Almaniya)
Araz Abdullayev – «Neftçi»
Amit Quluzadə – «Neftçi»
