31 may 2011 20:44
Bernard Lippert: XL azarkeşləri qarşısında üzr istəyirəm
Bu gün Lənkəran şəhər mərkəzi stadionunda 21 yaşadək futbolçulardan ibarət Azərbaycan və Moldova yığma komandaları arasında keçirilmiş yoldaşlıq oyunundan sonra yığmamızın baş məşqçisi Bernhard Lippert matçla bağlı fikirlərini bildirib. Azerisport.az xəbər verir ki, almaniyalı mütəxəssis minimal hesablı qələbə ilə bağlı bunları dilə gətirib:
“Maraqlı oyunun şahidi olduq. Həm çoxlu qol epizodu yaratdıq, həm də kombinasiyalar qurduq. Rəqibimizin güclü olmasına baxmayaraq, son 15 dəqiqə istisna olmaqla, yaxşı oynadıq. Orxan Həsənov oyuna girdikdən sonra, irəli daha çox cıxdıq. Qara Qarayevin də oyununu qeyd etmək istərdim. O, yaxşı təsir bağışladı. Bir topa görə, yeni futbolçular haqda nəsə demək istəmirəm. Seleksiya işlərini bundan sonra da davam etdirəcəyik. Həmçinin Şəhriyar Rəhimovu meydana buraxmadığımız üçün “Xəzər Lənkəran” azarkeşləri qarşısında üzr istəmək istərdim”.
