1 iyun 2011 14:09
Beranek Azərbaycanla oyuna daha bir futbolçu çağırdı
AÇ-2012-nin seçmə mərhələsində millimizin rəqiblərindən olan Qazaxıstan yığmasının heyətinə daha bir futbolçu çağırılıb. Azerisport.az xəbər verir ki, rəqibimizin çexiyalı baş məşqçisi “Ordabası”da top qovan Roman Nesterenkonu da sərəncamında görmək istəyib.
O, yığmanın daha bir zədələnən üzvü Vladimir Loqinovskini əvəzləyib. Bu isə qazaxların düşərgəsində millimizlə görüş öncəsi dördüncü itkidi.
Loqinovskidən öncə yarımmüdafiəçi Andrey Kaproviçin,qapıçı David Loriyanın, eləcə də hücumçu Murat Tleşevin də millidən kənarda qaldığını qeyd edək. Qazaxıstan - Azərbaycan matçı iyunun 3-də Astanada keçiriləcək. Beranekin komandası isə məhz bu gündən Astanaya gələcək və Azərbaycanla oyunun hazırlıqlarını orda davam etdirəcək.
