1 iyun 2011 18:56
Qurban Qurbanov: Başqa oyunçularla da yollarımızı ayıra bilərik
Xəbər verdiyimiz kimi “Qarabağ” 6 futbolçusuyla yollarını ayırıb. Azerisport.az xəbər verir ki, yaşlı futbolçularla vidalaşan komandada başqa islahatlar da gözlənilr.
“Qarabağ”ın baş məşqçisi Qurban Qurbanov bu islahatlara öz münasibətini açıqlayıb: “Bəli, 6 futbolçuyla yollarımızı ayırdıq. Onların coxusu 3-4 il idi ki, “Qarabağ”da forma geyinirdilər. Amma bu futboldu. Əbədi heç nə yoxdu. Onlara karyeralarında uğurlar arzulayıram. Mümkün qədər dəyişiklər etmək zəruriyyəti hiss edirdik. Ola bilsin başqa futbolçularla da yollarımızı ayırdıq. Artıq, “Abşeron”a icarəyə verdiyimiz Osman Umarovu geri qaytarmışıq. Əvəzedicilərin heyətində bombardir olmuş Kamil Xanıyev və istedadlı Elgiz Kərəmlini əsas komandaya qatmışıq. Onlar bizimlə təlim-məşq toplanışında iştirak edəcəklər. Gördüyünüz kimi gənclərə üstünlük veririk. Başqa futbolçularında gəlişi mümkündü. Amma bu işdə tələsməməliyik. Ən düzgün olan qərarı qəbul etməyə çalışacağıq”.
