1 iyun 2011 11:58
Miroslav Beranek: Azərbaycanla oyunda hamı bizdən qələbə tələb edir
Qazaxıstan yığmasının baş məşqçisi Miroslav Beranek iyunun 3-də AÇ-2012-nin seçmə mərhələsi çərçivəsində baş tutacaq Qazaxıstan - Azərbaycan oyunu ilə bağlı fikirlərini açıqlayıb. Azerisport.az xəbər verir ki, çexiyalı mütəxəssis sözügedən görüş ərəfəsində iddialı danışıb:
“Biz hamımız gözəl başa düşürük ki, Azərbaycanla oyun bizim üçün nə dərəcədə vacib əhəmiyyət daşıyır. Onu da anlayırıq ki, hamı bizdən ancaq və ancaq qələbə tələb edir. Biz də əlimizdən gələni edəcəyik ki, bizə ümid bəsləyənləri üzməyək. Amma bir şeyi nəzərə almaq lazımdı ki, rəqib də sıradan bir komanda deyil. Onlarla oyunda xal qazanmaq üçün sona kimi mübarizə aparmaq lazım gələcək. Axı seçmə mərhələdə hələ ki, nə xal qazana, nə də qol vura bilmişik. Buna görə də Azərbaycanla oyunda vəzifəmiz ciddidi. Həm qol vurmalı, həm də xal qazanmalıyıq”.
