3 iyun 2011 21:00
Foqts məğlubiyyətin səbəblərini açıqladı
Millimizin baş məşqçisi Berti Foqts bu gün keçirilən AÇ-2012-nin seçmə mərhələsinin Qazaxıstanla səfər oyunundan sonra mətbuat konfransında məğlubiyyətin (1:2) səbəblərindən danışıb. Azerisport.az xəbər verir ki, o, komandamızın çıxışını belə şərh edib:
“Qazaxıstanı qələbə münasibətilə təbrik edirəm. Bu gün rəqibimiz bizdən daha yaxşı oynadı. Bizdən daha cəld, sürətli idilər, təkbətək mübarizələrdə bizim futbolçuları aldadırdılar. Onlardan belə sürətli oyun gözləmirdim. Qazaxlar əsl beynəlxalq ustalıq səviyyəsi nümayiş etdirdilər. Mən çox təəsssüflənirəm ki, hər şey belə alındı. Biz bütün 90 dəqiqə ərzində öz oyunumuzu göstərməyi bacarmadıq. Komandamın oyununa görə çox məyusam. Komandamın üzvləri gəncdilər və hələ məşqlərdə göstərdiklərini oyunda sərgiləməkdə çətinlik çəkirlər. Biz öz səhvlərimiz üzərində işləməyə borcluyuq”.
Maraqlıdı ki, qazaxlara məğlubiyyətdən sonra Berti Foqts iyunun 7-də keçiriləcək Almaniya ilə ev oyununda qələbə qazanmaqdan dəm vurub: “İndi mənə komandanı yenidən motivasiya etmək lazımdı. Çünki Almaniya ilə oyuna hazırlaşmalıyıq. Avstriya ilə oyundakı yenilgidən sonra Türkiyəyə qalib gələ bilmişdik. Biz yenə də futbolçuları qarşıdakı görüşə yaxşı hazırlamağa çalışmalıyıq”.
“Qazaxıstanı qələbə münasibətilə təbrik edirəm. Bu gün rəqibimiz bizdən daha yaxşı oynadı. Bizdən daha cəld, sürətli idilər, təkbətək mübarizələrdə bizim futbolçuları aldadırdılar. Onlardan belə sürətli oyun gözləmirdim. Qazaxlar əsl beynəlxalq ustalıq səviyyəsi nümayiş etdirdilər. Mən çox təəsssüflənirəm ki, hər şey belə alındı. Biz bütün 90 dəqiqə ərzində öz oyunumuzu göstərməyi bacarmadıq. Komandamın oyununa görə çox məyusam. Komandamın üzvləri gəncdilər və hələ məşqlərdə göstərdiklərini oyunda sərgiləməkdə çətinlik çəkirlər. Biz öz səhvlərimiz üzərində işləməyə borcluyuq”.
Maraqlıdı ki, qazaxlara məğlubiyyətdən sonra Berti Foqts iyunun 7-də keçiriləcək Almaniya ilə ev oyununda qələbə qazanmaqdan dəm vurub: “İndi mənə komandanı yenidən motivasiya etmək lazımdı. Çünki Almaniya ilə oyuna hazırlaşmalıyıq. Avstriya ilə oyundakı yenilgidən sonra Türkiyəyə qalib gələ bilmişdik. Biz yenə də futbolçuları qarşıdakı görüşə yaxşı hazırlamağa çalışmalıyıq”.
Almaniyalı mütəxəssis heyətlə bağlı danışarkən Aleksandr Çertoqanovu oynatmamasının səbəbini də izah edib: “Onun zədəsi var idi. Həm də kubokun final matçından sonra komandaya gec qoşulmuşdu. Ümumiyyətlə, gənc futbolçuları Qazaxıstanla oyunda da meydana buraxmayacağamsa, nə vaxt oynadacam”?
Foqts həmçinin qeyd edib ki, rəqibin ikinci qolunda qayda pozuntusu olsa da, hakim oyunu davam etdirdi: “Kimisə günahlandırmaq asan olardı. Şübhəsiz ki, buraxdığımız ikinci qolda Rəşad Sadiqova qarşı kobudluq var idi. Amma hakimin fiti səslənmədisə, oynamaq lazım idi... Bu oyunu biz hamımız uduzduq, kiminsə səhvi ucbatından yox. Hələ oyundan öncə də demişdim ki, hakim Şotlandiyadandı, o, hər adi qayda pozuntusuna görə oyunu dayandırmayacaq. Onlar buna hazır olmalı idilər”.
Foqts həmçinin rəqibin heyətində dubla imza atan Sergey Qridinin oyununu xüsusi qeyd edib: “17 nömrəli futbolçu yaxşı oynadı. Mən onu xüsusi qeyd etməyə bilməzdim. Bu gün həm də qazaxların bəxti gətirdi, amma bizim yox”.
