3 iyun 2011 12:33
AZAL-ı Avroliqanın püşkatma mərasimində kimlər təmsil edəcək?
AZAL-ı Avropa Liqasının püşkatma mərasimində kimlərin təmsil edəcəyi dəqiqləşib. Azerisport.az xəbər verir ki, paytaxt klubu iyunun 20-də İsveçrənin Nyon şəhərində təşkil olunacaq tədbirdə iki nümayəndəsi ilə təmsil olunacaq.
Bunlardan biri klubun prezidenti Vaqif Qasımov olacaq. “Təyyarəçilər”in digər rəsmisi isə vitse-prezident Fikrət Hüseynov olmalıdı.
Qeyd edək ki, həmin gün nəinki AZAL, eləcə də digər təmsilçilərimiz Avropa Liqasının birinci və ikinci təsnifat mərhələsindəki rəqiblərini tanımış olacaq. Lakin “Qarabağ” və “Xəzər Lənkəran”ın kimlərlə təmsil olunacağı dəqiqləşməyib. “Neftçi” isə həmin gün Çempionlar Liqasındakı ilk rəqibini tanıyacaq.
