4 iyun 2011 15:12
Kazbek Tuayev: Bu, biabırçılıqdı
Azərbaycan futbolunun veteranı, AFFA İcraiyyə Komitəsinin üzvü Kazbek Tuayev AÇ-2012-nin seçmə mərhələsi çərçivəsində Qazaxıstana uduzan yığmamızın çıxışını dəyərləndirib. Azerisport.az saytına müsahibəsində o, 1:2 hesablı yenilgiylə bağlı bunları dilə gətirib:
“Bu, biabırçılıqdı. Belə bir komandaya uduzduq. Qazaxstan kimi simasız komanda hələ görməmişdim. Bütün bunları görmək ağır, acı və çox xoşagəlməz idi. Özü də futbolumuzun yüzilliyi ərəfəsində. Ümumiyyətlə nə qədər müdafiədən oynamaq olar? Onsuz da bundan fayda yoxdu. Dörd ildi belə oynayırıq. Əvvəl-axır biz hücum edə bilmərikmi? Axı bu, bizim məğzimizdi. Nəyi isə dəyişmək lazımdı. Ümumiyyətlə komandanın nə oynadığı aydın deyil”.
“Almaniya ilə oyun ərəfəsində komandaya qara yaxmaq istəmirəm. Almaniyanın Avstriya ilə son oyununa baxmışam. Bu ki maşındı. Özü də onlar üçün kimlə oynamağın fərqi yoxdu. Ona görə də çətin olacaq. Bizim kamandamıza isə reabilitasiya lazımdı. İlk növbədə şərəf və özünəhörmət haqda düşünmək lazımdı. Can qoymaq, xarkter göstərmək lazımdı. Ola bilsin yenə də uduzacaqlar, amma bunu layiqli, mübarizə ilə etsinlər” – deyə Tuayev qeyd edib.
