5 iyun 2011 01:23
Almaniya Bakı səfəri öncəsi qapıçısını da itirdi
AÇ-2012-nin seçmə mərhələsi çərçivəsində iyunun 7-də Bakıda millimizin qonağı olacaq Almaniya yığması daha bir futbolçusunu itirib. Azerisport.az xəbər verir ki, Bundestim bu dəfə meydan oyunçularından yox, qapıçısından ümidini üzüb.
Belə ki, komandanın qapıçısı Tim Vize baş məşqçi Yoahim Lövdən heyətdən çıxarılmasını xahiş edib. Lakin bu, zədə yox, onun ailəsindəki problemlər nəticəsində gerçəkləşib. Bu üzdən də almanların çalışdırıcısı bu qapıçını Bakıya gətirilən heyətdən çıxarıb.
Qeyd edək ki, Almaniya yığmasında Tim Vizedən əlavə Kristian Traş, Sven Bender, Bastian Şvaynştayger, Miroslav Kloze və Marko Roys da iyunun 7-də millimizə qarşı oyunda forma geyinə bilməyəcəklər. Bunlardan əlavə Sami Xediranın da qarşıdakı görüşdə iştirakı sual altındadı.
