6 iyun 2011 00:03
Berti Foqtsa hücum olub?
Bəzi xarici mətbuat orqanlarında millimizin baş məşqçisi Berti Foqtsun dünən keçirilən mətbuat konfransında hücuma məruz qaldığı haqda məlumatlar yayılıb. Azerisport.az xəbər verir ki, guya bir qrup jurnalist almaniyalı mütəxəssisə fiziki təzyiqə cəhd göstərib.
Lakin qeyd edək ki, bu xəbərlər qətiyyən həqiqəti əks etdirmir. Çünki sözügedən tədbir zamanı belə bir hadisə baş verməyib. Sadəcə, bəzi həmkarlarımız komandamızın Qazaxıstana məğlubiyyətinə etiraz əlaməti olaraq ona xüsusi hədiyyə vermək istəyiblər. Buna isə polislər mane olub.
Maraq üçün xatırladaq ki, indi futbol ictimaiyyəti Foqtsun komandasından Almaniya ilə ev oyununda ən azı heç-heçə ilə bəraət qazanmağı gözləyir. Əks halda almaniyalı mütəxəssisə qarşı fikirlərin daha da pisləşəcəyi gün kimi aydındı. Onun yalandan xarici mətbuata hücuma qalmasını iddia etməsi isə təəccübləndirməyə, təəssüfləndirməyə bilməz.
