6 iyun 2011 00:05
Argentina Polşaya da uduzdu
Dünyanın müxtəlif yığmaları yoldaşlıq oyunlarında qüvvələrini sınamağa davam edirlər. Azerisport.az xəbər verir ki, ötən gecə daha 4 belə sınaq matçı oynanılıb.
Boliviya doğma meydanda Paraqvay 2 cavabsız qolla uduzub. Digər 3 qarşılaşmada isə meydan sahibləri qələbəni bayram edən tərəf olub.
Avstraliya Yeni Zelandiyanın qapısına 3 cavabsız qol vurmaqla, rəqibini darmadağınla yola salıb. Çin isə Özbəkistanı minimal hesabla məğlub edib.
Ən maraqlı görüşlərdən biri Polşa ilə Argentina arasında keçirilib. Lakin dünyanın ən güclü futbolçularından olan Lionel Messinin komandası polşalıların iki qolu qarşısında sadəcə təsəlli topuna sevinib.
Yoldaşlıq oyunları
5 iyun
Boliviya – Paraqvay – 0:2
Qollar: Barrios, 32, Santander, 72.
Avstraliya – Yeni Zelandiya – 3:0
Qollar: Kennedi, 10; 59, Troisi, 90-pen.
Çin – Özbəkistan – 1:0
Qol: Qao, 65.
Polşa – Argentina – 2:1
Qollar: Myerzejevski, 26, Brojek, 67 – Ruben, 47.
