6 iyun 2011 00:41
UEFA-nın rəsmi saytı Azərbaycanla bağlı yenə səhv buraxdı
UEFA-nın rəsmi saytına Azərbaycanla bağlı növbəti səhvə yol verilib. Azerisport.az xəbər verir ki, bu dəfə qitə futbol qurumunun rəsmi saytı AÇ-2012-nin seçmə mərhələsinin qarşıdan gələn Azərbaycan – Almaniya oyununa həsr olunmuş səhifəsində... futzal üzrə yığmamızın üzvü olan Rizvan Fərzəliyevin şəklini yerləşdirib.
Maraq üçün xatırladaq ki, UEFA-nın rəsmi saytı artıq neçənci dəfədi ki, ölkəmizlə bağlı belə yanlışlıqlara yol verir. Belə ki, bundan öncə Azərbaycanın xəritəsində səhvə yol verən avropalılar Naxçıvanı bir dəfə Ermənistan, bir dəfə isə Türkiyə ərazisi kimi göstərmişdilər.
