6 iyun 2011 11:39
Bakı`nın yay hazırlıq planı məlum oldu
Ötən mövsümdə uğursuz çıxış edən “Bakı”nın yay hazırlıq planı məlum olub. Azerisport.az xəbər verir ki, iyun ayının 23-də Bakıda toplanacaq komanda bir gün sonra tibbi müayinədən keçəcək.
İyun ayının 28-ə kimi Bakıda hazırlıq keçəcək komanda 28 iyun - 10 iyul aralığında hazırlığı Sloveniyaya davam etdirəcək. Kranjska Qora şəhərində təlim-məşq toplanışı keçirəcək “Bakı” “Spik” mehmanxanasında məskunlaşacaq və hazırlıq dövründə 3 yoldaşlıq oyunu keçirəcək.
10 iyul tarixində paytaxta qayıdacaq “Bakı” qarşıdan gələn mövsümün hazırlıqlarını 11-16 iyul tarixlərində Bakıda davam etdirəcək. 17 iyuldan etibarən yenidən Sloveniyaya yollanacaq paytaxt təmsilçisi Roqaska Slatina şəhərində 29 iyula kimi davam edəcək ikinci təlim-məşq zamanı 4 yoldaşlıq oyunu keçirəcək.
