7 iyun 2011 12:02
Fransa Ukraynanı darmadağın etdi
AÇ-2012-nin ev sahiblərindən biri olduğu üçün qitə birinciliyinin seçmə mərhələsindən azad olan Ukrayna yığması boş qalmamaq üçün qüvvəsini yoldaşlıq matçlarında sınamağa davam edir. Azerisport.az xəbər verir ki, ukraynalılar ötən gecə də Fransayla qarşılaşıblar.
Bir neçə gün öncə Belarus qarşısında oynadığı zəif futbolla yenidən tənqid olunmağa başlayan Fransa yığması bu dəfə ümidləri doğruldub. Özü də maraqlıdı ki, Loran Blanın yetirmələri Ukraynanı son 5 dəqiqədə vurulan qollarla devirib. Həm də baş məşqçi Belarus matçındakı start heyəti ilə müqayisədə düz 10 dəyişikliyə əl atmışdı və meydanda demək olar ki, əvəzedici heyətin üzvləri idi. Ukrayna isə sadəcə zədəsi olan Andrey Şevçenkonun yoxluğuna üzülə bilərdi.
Qarşılaşmanın ilk yarısında çox qol vəziyyəti yaranmayıb. İkinci hissədə Anatoli Timoşukun vurduğu qol ukraynalıları hesabda önə keçirib. Ancaq buraxılan qoldan sonra tez toparlanan Fransa, beş dəqiqə sonra Kevin Qameyro ilə bu qola cavab verdi. 87 və 90+2-ci dəqiqələrdə səhnəyə çıxan Marvin Martin, ilk milli matçında vurduğu iki qolla diqqətləri çəkdi. Fransanın üçüncü digər qolunun müəllifi isə 90-cı dəqiqədə fərqlənən Yunes Kabul olub.
