7 iyun 2011 12:32
Almaniya yığmasının start heyətində dəyişiklik
Almaniya yığmasının bu gün keçiriləcək Azərbaycanla AÇ-2012-nin seçmə mərhələ oyunu üçün əsas heyətində bir dəyişiklik oluna bilər. Azerisport.az xəbər verir ki, bu gün Bundestimin Bakıda Tofiq Bəhramov adına Respublika stadionunda baş tutan 7-ci görüşünün start heyətində meydana çıxması proqnozlaşdırılan futbolçulardan Lyuis Holtbinin başqa futbolçuyla əvəzlənməsi gözlənilir.
Belə ki, baş məşqçi Yoahim Löv böyük ehtimmalla onu Mario Qotse ilə əvəzləyəcək. Belədə almanlar yəqin ki, millimizə qarşı bu heyətlə mübarizə aparacaq: Manuel Noyer, Filip Lam, Arne Fridrix, Mats Hummels, Marsel Şmelser, Toni Kroos, Tomas Müller, Mario Qotse, Lukas Podolski, Mesut Özil, Mario Qomes.
Qeyd edək ki, Azərbaycan – Almaniya oyunu bu gün saat 22:00-da start götürəcək.
