8 iyun 2011 16:43
İnter Bolqarıstan yığmasının forvardını alır
“İnter” heyətini Bolqarıstanın “Chernomorets” klubunun futbolçusu Martin Toşevlə gücləndirə bilər. Azerisport.az xəbər verir ki, “bankirlər” Bolqarıstanın gənclərdən ibarət yığmasının şərəfini qoruyan hücumçuya iki illik müqavilə təklif etməyə hazırlaşır
Qeyd edək ki, 1990-cı ildə Sofiyada anadan olan bu oyunçu hələlik özünü ölkəsinin müxtəlif yaş qrupları üzrə komandalarında göstərə bilib. Lakin o, eyni zamanda Sofiya CSKA-sında, eləcə də Almaniyanın “Köln” klubunda da forma geymək şansı qazanıb. Belə ki, futbolçu 2008-ci ildə Bundesliqa təmsilçisinin heyətində meydana çıxdığı 8 oyunda 1 qola imza atıb.
2009-cu ildən isə “Chernomorets”in uğurları üçün tərk tökən Toşev bundan sonra karyerasını Azərbaycanda davam etdirə bilər. Xatırladaq ki, bu yay 11 futbolçusuna qapını göstərən “İnter” sadəcə “Gəncə”nin oyunçusu Samir Zərgərovu transfer edə bilib.
