9 iyun 2011 14:06
Vladimir Levin də İnter`dən gedir
“İnter” daha bir futbolçusuyla yollarını ayıra bilər. Azerisport.az xəbər verir ki, paytaxt klubunun kapitan Vladimir Levinlə də yollarını ayırması mümkündü.
Məsələ burasındadı ki, milli komandamızda da çıxış edən Levinlə “Bakı” maraqlanır. “Bankirlər”in yeni müqavilə təklifi isə hələlik müdafiəçi üçün o qədər də maraqlı görünmədiyindən o, klubunun sözləşməsini imzalamaq istəmir. Hər halda yaxın günlərdə onun “İnter”də qalacağı, yaxud başqa kluba keçəcəyi tam dəqiqləşəcək.
Sonda onu da xatırladaq ki, Levin də “İnter”dən getsə, o zaman paytaxt klubu bu yay 14-cü futbolçusu ilə yollarını ayırmış olacaq. Çünki artıq “bankirlər” bu vaxta kim David Odikadze, Filip Despotovski, Kaxaber Mjavanadze, Tofiq Mikayılov, Səbuhi İsmayılov, Camal Məmmədov, Nizami Hacıyev, Jivko Jelev, Mario Souza, Bronislav Çervenka, Danildo Assioli, Aleksandr Çertoqanov (Qəbələ) və Rövşən Əmiraslanovla (Qəbələ) yollarını ayırmağa qərar verib.
