11 iyun 2011 00:01
Beşiktaş MY-nin futbolçusunu heyətinə qatdı
Türkiyənin bu yay transfer bazarındakı ən fəal klublarından olan “Beşiktaş” növbəti bombasını partladıb. Azerisport.az xəbər verir ki, İstanbul klubu İngiltərənin məşhur “Manchester United” komandasında top qovan Bebeni heyətinə qatıb.
Qeyd edək ki, 21 yaşlı bu futbolçu da Portuqaliyalıdı. Heyətində Simao Sabroza, Manuel Fernandes və Rikardo Kuaresma kimi portəgiz ulduzların yer aldığı “Beşiktaş” bununla həm də bu ölkədən olan futbolçularının sayını artırıb.
Bebe ötən mövsümün əvvəlində 9 milyon avro qarşılığında “Vitoria de Guimares” komandasından “Manchester United”ə transfer olmuşdu. İngilislərin 5 illik müqavilə bağladığı futbolçu son mövsümdə 7 qarşılaşmada meydana çıxmağa da imkan tapmışdı. Premyer Liqada forma geydiyi 2 matçda qol sevinci yaşaya bilməyən Bebe, Çempionlar Liqasında 4 qarşılaşmada oynadı və elə Türkiyənin “Bursaspor” klubu ilə oynanılan qarşılaşmada 1 qol vurmuşdu.
Maraq üçün xatırladaq ki, “Beşiktaş” Bebedən öncə daha 6 futbolçunun transferini bitirmişdi: Veli Kavlak, Burak Kaplan, Tanju Kayhan, Egemen Korkmaz, Mustafa Pektemek, Sidney və Mehmet Akyüz.
