11 iyun 2011 00:53
AZAL Avroliqaya tam heyətlə hazırlaşa bilmir
Bu il ölkəmizi Avropa Liqasında təmsil edəcək AZAL hazırlıqlarını davam etdirir. Azerisport.az xəbər verir ki, iyun ayının 5-də Bakıda bir araya gələn komandanın üzvləri doğma arenasında hazırlaşır.
Qeyd edək ki, "Airport" oteldə məşkunlaşan komanda gündə iki dəfə olmaqla məşqə çıxır. Səhər Mərdəkanda dəniz qırağında fiziki hazırlıq keçən futbolçular axşam Şüvəlandakı stadionda məşq edir.
Lakin komandanın sıralarında hazırda iki aparıcı futbolçusu yer almır. Bunlar mərakeşli Zohair Benuahi ilə latviyalı Ritus Krjauklisdi. Onların ən geci iyunun 13-də klubun düşərgəsinə qoşulması gözlənilir.
Qeyd edək ki, AZAL iyun ayının 15-dək bu qrafiklə hazırlaşacaq. Toplanış müddətində komandanın iki yoxlama oyununda qüvvəsini sınayacağı da gözlənilir. Rəqiblərin kimliyi hələ məlum olmasa da, matçlardan birinin ayın 12-də baş tutacağı dəqiqdi.
