12 iyun 2011 19:54
Ramiz Məmmədovun komandası çempiona da uduzdu (YENİLƏNİB)
Bu gün Qazaxıstan çempionatında 15-ci turun oyunları keçirilib. Azerisport.az xəbər verir ki, azərbaycanlı baş məşqçi Ramiz Məmmədovun çalışdırdığı “Atırau” doğma meydanda “Tobol”la münasibətlərinə aydınlıq gətirib.
Qeyd edək ki, bu komanda son Qazaxıstan çempionudu. Tərəflər arasında birinci dövrədəki qarşılaşma 8-ci tura təsadüf etmişdi və o zaman Məmmədovun komandası səfərdə qolsuz heç-heçəyə nail olmuşdu. Bu iki komanda cari mövsümdə həm də Qazaxıstan kubokunda üz-üzə gəlmişdilər. Həmin görüşdə Ramiz Məmmədovun yetirmələri 2:1 hesabıyla öndə olduqları qarşılaşmanın son 3 dəqiqəsində 2 qol buraxaraq, kubokla vidalaşmışdı.
Bu dəfə çempionu doğma azarkeşlərinin gözü qarşısında qəbul edən həmyerlilərimizin komandasından qələbə gözlənilsə də, bu, baş verməyib. Əksinə, "Atırau" 2 cavabsız qol buraxaraq, vəziyyətini daha da pisləşdirib.
Qazaxıstan Superliqası
15-ci tur
12 iyun
ATIRAU - TOBOL - 0:2 (0:0)
| 1 | Astana | 15 | 10 | 3 | 2 | 25 | - | 16 | 33 |
| 2 | Jetısu | 15 | 9 | 4 | 2 | 25 | - | 10 | 31 |
| 3 | Aktobe | 15 | 9 | 2 | 4 | 26 | - | 12 | 29 |
| 4 | Şaxtyor | 15 | 9 | 2 | 4 | 24 | - | 13 | 29 |
| 5 | Ordabası | 15 | 7 | 3 | 5 | 20 | - | 11 | 24 |
| 6 | İrtış | 15 | 7 | 2 | 6 | 27 | - | 23 | 23 |
| 7 | Tobol | 15 | 6 | 2 | 7 | 24 | - | 20 | 20 |
| 8 | Taraz | 15 | 5 | 1 | 9 | 11 | - | 17 | 16 |
| 9 | Atırau | 15 | 3 | 6 | 6 | 12 | - | 19 | 15 |
| 10 | Kayrat | 15 | 4 | 2 | 9 | 15 | - | 26 | 14 |
| 11 | Kaysar | 15 | 2 | 3 | 10 | 10 | - | 34 | 9 |
| 12 | Vostok | 15 | 1 | 6 | 8 | 10 | - | 28 | 9 |
