12 iyun 2011 20:45
Türkiyədən ikinci darmadağın, millimizdən qələbə (YENİLƏNİB)
Bu gün 17 yaşadək futbolçulardan ibarət komandalar arasında Caspian Cup turnirində qrup mərhələsinin ikinci turunun oyunları keçirilib. Azerisport.az xəbər verir ki, turnirin A qrupunda Azərbaycan, Türkiyə, Özbəkistan və Qırğızıstan, B qrupunda isə İspaniya, Gürcüstan, Qazaxıstan və Tacikistan yığmaları mübarizə aparır.
Qeyd edək ki, ikinci oyun gününün ilk iki görüşündə Gürcüstan Tacikistanı, İspaniya isə Qazaxıstanı böyük hesabla məğlub edib. Millimiz isə ikinci sınağında Özbəkistanla qarşılaşıb və növbəti qələbəsini qazanıb. Lakin təəssüf ki, komandamız 4 cavabsız qolla öndə olduğu vaxt rəqibinə 2 qol vurmağa imkan verib. Beləcə, ilk dəfə olaraq bu turnirdə böyükhesablı nəticə qeydə alınmayıb. Günün son matçında isə Qırğızıstanla Türkiyə öz aralarındakı münasibətlərə aydınlıq gətiriblər. "Ay-ulduzlular" bu dəfə də rəqibini darmadağınla keçiblər.
Sabah turnirdə istirahət günüdü. İyunun 14-də baş tutacaq qrup mərhələsinin son turunda Qazaxıstan Tacikistanla, Özbəkistan Qırğızıstanla, millimiz Türkiyə, İspaniya Gürcüstanla qarşılaşacaq.
Caspian Cup
12 iyun
B qrupu
Tacikistan – Gürcüstan – 0:3
Qazaxıstan – İspaniya – 0:8
| 1 | İspaniya | 2 | 2 | 0 | 0 | 14 | - | 0 | 6 |
| 2 | Gürcüstan | 2 | 2 | 0 | 0 | 8 | - | 1 | 6 |
| 3 | Tacikistan | 2 | 0 | 0 | 2 | 0 | - | 9 | 0 |
| 4 | Qazaxıstan | 2 | 0 | 0 | 2 | 1 | - | 13 | 0 |
A qrupu
Özbəkistan - Azərbaycan - 2:4
Qol: Ruslan Nəsirli, 9 (0:1), Ruslan Nəsirli, 18 (0:2), Şirməmməd Məmmədov, 24 (0:3), Coşqun Diniyev, 54 (0:4), Muhiddin Odilov, 68 (1:4), Rövşən Xursanov, 70-pen (2:4).
Qırğızıstan - Türkiyə - 0:3
| 1 | Türkiyə | 2 | 2 | 0 | 0 | 9 | - | 0 | 6 |
| 2 | Azərbaycan | 2 | 2 | 0 | 0 | 7 | - | 2 | 6 |
| 3 | Qırğızıstan | 2 | 0 | 0 | 2 | 0 | - | 6 | 0 |
| 4 | Özbəkistan | 2 | 0 | 0 | 2 | 2 | - | 10 | 0 |
