13 iyun 2011 16:36
Millimizin üzvü Rusiya çempionatının ən yaxşısı oldu (FOTO)
Çimərlik futbolu üzrə Rusiya çempionatında birinci mərhələyə yekun vurulub. Azerisport.az xəbər verir ki, futzal üzrə Azərbaycan millisinin qapıçısı Andrey Tveryankinin də formasını geyindiyi Moskvanın "Stroqino" klubu çempionatın qalibi adını qazanıb.
Finalda "Lokomotiv"lə qarşılaşan "Stroqino" rəqibini penalti zərbələri sonrası məğlub edib. Əsas vaxtı 4:4 hesabı ilə başa çatan oyundan sonra təyin olunan penallti zərbələrini daha dəqiq yerinə yetirən "Stroqino" 1:0 hesabı ilə qalib gələrək fəxri mükafata sahib çıxıb.
Qeyd edək ki, turnirin yekununa əsasən yığmamızın qapıçısı həm də Rusiya çempionatının bu mərhələsinin ən yaxşı qapıçısı seçilib. Tveryankinin müvəqqəti olaraq çimərlik futbolunda top qovduğunu da vurğulayaq.
