13 iyun 2011 19:37
İtaliya A Seriyasına son vəsiqənin sahibi müəyyənləşdi
İtaliya A Seriyasının növbəti mövsümünə son vəsiqənin sahibi müəyyənləşib. Azerisport.az xəbər verir ki, son vəsiqənin sahibini müəyyənləşdirmək üçün keçirilən pley-off matçında “Padova” və “Novara” üz-üzə gəlib.
Gərgin və maraqlı idmanı mübarizəsi şəraitində keçən qarşılaşmanın qalibi “Novara” olub. Bu komanda rəqibi üzərində 2:0 hesablı qələbə sayəsində həm də elitaya çıxmasını bayram edib. Nəticədə “Novara” düz 55 illik fasilədən sonra yenidən A Seriyasında qüvvəsini sınamaq imkanı qazanıb.
Beləcə, “Novara” “Atalanta” və “Siena”dan sonra B Seriyaasında A Seriyasında yüksələn üçüncü və sonuncu komanda olub. Qeyd edək ki, bu mövsüm “Sampdoria”, “Brescia” və “Bari” elitadakı uğursuz mövsümün ardından növbəti mövsümü B Seriyasında keçirəcəklər.
