13 iyun 2011 00:46
Millimiz Makedoniya ilə Mərdəkanda qarşılaşa bilər
Azərbaycan və Makedoniya futbol yığmaları arasındakı qarşılaşma Mərdəkanda keçirilə bilər. Azerisport.az xəbər verir ki, hazırda sözügedən matçın Mərdəkandakı “Dalğa” stadionunda oynanılması varıantına baxılır.
Qeyd edək ki, bu günlərdə FİFA və UEFA prezidentləri tərəfindən rəsmi açılış mərasimi təşkil olunan arena 6700 tamaşaçı tutumuna malikdi. Nəzərə alsaq ki, makedoniyalılarla qarşılaşma yoxlama görüşü olacaq, belədə Tofiq Bəhramov adına Respublika stadionunun tam dolmaması istisna deyil. Görünür, AFFA rəhbərliyi də məhz bu üzdən görüşün Mərdəkanda oynanılmasını istəyir. Amma bu qarşılaşma Lənkəran şəhər stadionunda da oynanıla bilər və komandamız orda da azarkeş dəstəyi baxımından problemlə üzləşməz.
Azərbaycan – Makedoniya yoldaşlıq matçının avqustun 10-da keçiriləcəyini də qeyd edək.
