14 iyun 2011 21:15
Millimiz Gürcüstana, Türkiyə İspaniyaya rəqib oldu (YENİLƏNİB)
Bu gün Bakıda 17 yaşadək futbolçulardan ibarət yığmalar arasında təşkil olunmuş Caspian Cup beynəlxalq turnirində qrup mərhələsinin son turunun oyunları keçirilib. Azerisport.az xəbər verir ki,
turnirin A qrupunda Azərbaycan, Türkiyə, Özbəkistan və Qırğızıstan, B qrupunda isə İspaniya, Gürcüstan, Qazaxıstan və Tacikistan yığmaları mübarizə aparır.
Günün ilk iki oyununda Özbəkistan Qırğızıstanla, Qazaxıstan isə Tacikistanla münasibətlərinə aydınlıq gətirib. İlk iki oyunlarında məğlub olan bu komandaların hamısı son oyunda sadəcə qrup sonuncusu olmamağa çalışırdılar. Bu mübarizədən isə Qazaxıstan və Özbəkistan yığmaları qalib ayrılıb.
Günün son qarşılaşmaları isə daha böyük maraqla gözlənilirdi. A qrupunda ilk iki oyununu qələbə ilə başa vurmuş Türkiyə və Azərbaycan yığmaları finala vəsiqə uğrunda mübarizə aparırdılar. Türklərə bu görüşdə heç-heçə də sərf edirdisə, komandamız mütləq qələbə qazanmalıydı. Lakin "ay-ulduzlular" bu görüşdə daha güclü çıxaraq, finala vəsiqə qazanan ilk komanda olub.
B qrupunda isə İspaniya və Gürcüstan yığmaları həlledici oyuna vəsiqə uğrunda mübarizə aparırdı. Bu görüşdə də gürcülərə mütləq qələbə qazanmaq lazım gəlirdi. Lakin onların gücü sadəcə heç-heçəyə çatıb. Belədə, finala vəsiqəni məhz İspaniya qazanıb və Türkiyə ilə qarşılaşmaq hüququna yiyələnib. Gürcüstan isə bürünc medal uğrunda Azərbaycanla qarşılaşmalı olacaq.
Caspian Cup
14 iyun (çərşənbə axşamı)
A qrupu
Özbəkistan – Qırğızıstan - 7:0
Şağan Olimpiya İdman Kompleksi.
Hakimlər: Həsənov Rəhim, Hüseynov Namiq, Qənbərov Vüsal, Həsənov Etibar.
Azərbaycan – Türkiyə - 2:4
Qol: Orxan Samet, 4 (0:1), Yüksel Şişman, 28 (0:2), Orhan Samet, 55 (0:3), Orxan Əliyev, 57 (1:3), Şirməhəmməd Məmmədov, 59 (2:3), Emre Akdağ, 80+3 (2:4).
Matçın 41-ci dəqiqəsində Orxan Əliyev Türkiyənin qapısına təyin olunan penaltidən yararlana bilməyib (qapıçı)
“Dalğa Arena”.
Hakimlər: Salmanov Anar, Acalov Elşən, Haşımov Mübariz, Diniyev Ramil.
| 1 | Türkiyə | 3 | 3 | 0 | 0 | 13 | - | 2 | 9 |
| 2 | Azərbaycan | 3 | 2 | 0 | 1 | 9 | - | 6 | 6 |
| 3 | Özbəkistan | 3 | 1 | 0 | 2 | 9 | - | 10 | 3 |
| 4 | Qırğızıstan | 3 | 0 | 0 | 3 | 0 | - | 13 | 0 |
B qrupu
Qazaxıstan – Tacikistan - 2:1
“Dalğa Arena”.
Hakimlər: Əhmədov Ramil, Əliyev Nahid, Quliyev Ruslan, Məmmədov İnqilab.
İspaniya – Gürcüstan - 1:1
“Dalğa Arena”.
Hakimlər: Cabbarov Rauf, Musatkin Aleksandr, Əmiraslanov Knyaz, Məmmədov Orxan.
| 1 | İspaniya | 3 | 2 | 1 | 0 | 15 | - | 1 | 7 |
| 2 | Gürcüstan | 3 | 2 | 1 | 0 | 9 | - | 2 | 7 |
| 3 | Qazaxıstan | 3 | 1 | 0 | 2 | 3 | - | 14 | 3 |
| 4 | Tacikistan | 3 | 0 | 0 | 3 | 1 | - | 11 | 0 |
