17 iyun 2011 15:22
Premyer Liqa klubunda yeni baş məşqçi
Uzun müddət idi baş məşqçi axtarışlarında olan “Aston Villa” nəhayət ki, bu istəyinə çatıb. Azerisport.az xəbər verir ki, Premyer Liqa klubunu bundan sonra Aleks Makliş çalışdıracaq.
Qeyd edək ki, “Aston Villa”nı son mövsümdə Jerar Ulye çalışdırırdı. Lakin fransız mütəxəssis ürəyindəki problemlər səbəbilə həkimlərin tələbi ilə məşqçilik fəaliyyətindən kənarlaşdırıldı. Bu üzdən də baş məşqçi postu boş olan klub bu boşluğu 52 yaşlı Maklişlə doldurmağa qərar verib.
“Aston Villa” kimi yüksək səviyyəli klubu çalışdıracağından məmnunluğunu dilə gətirən Aleks komandanı uğurlara daşımaq üçün əlindən gələni edəcəyinə söz verib. Maraq üçün xatırladaq ki, şotlandiyalı mütəxəssisin son klubu Premyer Liqanın digər təmsilçisi “Birmingham City” olmuşdu.
