17 iyun 2011 16:07
Toni Adams ən yaxşı oldu
“Qəbələ”nin baş məşqçisi Toni Adams İngiltərə Premyer Liqası tarixinin ən yaxşı müdafiəçisi elan olunub. Azerisport.az xəbər verir ki, gələn il Premyer Liqanın 20 yaşı tamam olacaq ki, bu münasibətlə sorğu aparılıb və indiyəqədərki futbolçuların rəmzi komandası müəyyənləşib.
Adams isə həmin rəmzi yığmada ən yaxşı mərkəz müdafiəçisi kimi hamıdan çox səs toplamaqla yer alıb. Qeyd edək ki, Adams futbolçu karyerasında yalnız Londonun “Arcenal” klubunda çıxış edib və bu komandanın əfsanələrindən hesab olunur.
Sonda maraq üçün onu da bildirək ki, Adams bu siyahıda Con Terri, Rio Ferdinand, Nemanya Vidiç, Yap Stam, Sol Kempbell, Kolin Hendri, Qari Pallister, Sami Hyuyupya, Uilyam Qallas kimi müdafiəçiləri qabaqlamağa nail olub. (Eurosport)
