17 iyun 2011 17:16
Premyer Liqanın püşkü atıldı
İngiltərə Premyer Liqasında 2011-2012 mövsümünün püşkü atılıb. Azerisport.az xəbər verir i, artıq dünyanın ən çox izlənən çempionatlarının başında gələn Premyer Liqanın növbəti mövsümünün təqvimi məlumdu.
Son mövsümdə 19-cu çempionluğunu qazanan və Premyer Liqada ən çox çempion olan komanda ünvanına yiyələnən “Manchester United” yeni mövsümün ilk matçında səfərdə “West Bromwich” ilə qarşılaşacaq.
Təqvimə əsasən avqustun 13-də başlayacaq mövsümün xüsusilə ilk 3 turunda “Arsenal”ı çətin sınaqlar gözləyir. Belə ki, ilk turda səfərdə “Newcastle” ilə qarşılaşacak London təmsilçisi, ikinci turda “Liverpool”, üçüncü turda isə “Manchester United”lə üz-üzə gələcək.
Bütövlükdə, yeni mövsümün ilk turunun proqramı aşağıdakı kimidi: Blackburn - Wolverhampton, Fulham – Aston Villa, Liverpool - Sunderland, Manchester City - Swansea, Newcastle - Arsenal, Queens Park Rangers - Bolton, Stoke City - Chelsea, Tottenham - Everton, West Bromwich - Manchester United, Wigan - Norwich. Premyer Liqada 2011-2012 mövsümünə 2012-ci ilin 13 may tarixində yekun vurulacaq.
