18 iyun 2011 00:04
AZAL Kvirtiyanı, İnter Zlatinovu razı saldı
Ölkəmizi Avropa Liqasında təmsil edəcək AZAL heyətindəki futbolçulardan daha birinin komandada qalmasına nail olub. Azerisport.az xəbər verir ki, paytaxt klubu gürcü yarımmüdafiəçi Nuqzar Kvirtiya ilə yeni müqavilə haqda razılığa gəlib.
Bu futbolçu ilə “İnter” də yaxından maraqlansa da, “təyyarəçilər” qışda aldıqları oyunçunu heyətdə saxlamağı bacarıblar. Onunla daha bir il müddətinə nəzərdə tutulan yeni müqavilə imzalanıb.
“İnter” isə Petar Zlatinovu heyətində saxlamağa qərar verib. Bu futbolçunun “bankirlər”lə müqaviləsi başa çatıb. Lakin paytaxt klubu bolqar legionerini buraxmaq istəmir. Bu üzdən də bakılılar yeni mövsümün hazırlıqlarına start verən kimi, Petarla yeni anlaşmaya imza atacaqlar.
